د هیلو کاروان :

د هیلو کاروان د هغی پروژی نوم دی چه د هغه په چوکات کی د هسکو ټولنه په دی وتوانیده د خپلو رضاکارانو په مرستی سره یوه زیاته اندازه قرطاسیه او د ښوونڅی  نور ضروریات  د افغانستان په زرګونو د ښوونځی  بیوزلوماشومانو باندی وویشی۰د هیلو کاروان په دوه و پړاونو تر سره شو ۱ـ د قرطاسیی د جمع آوری  پړاو ۲ـ  د قرطاسیی د ویشلو پړاو۰

۱ - د هیلو دکاروان  د قرطاسیی د  جمع آوري  پروسه :

د هیلو کاروان د قرطاسیی د راغونډولو مرحله د امریکی دمتحده ایالتونو په مختلفو ښارونو کی د رضاکارانو لخوا تر سره شو ،د دی مرحلی مشرتابه د ښاغلي کړی چه پخپله  د فلوریدا د ایالت په یوی ښوونځی کی  ښو ونکی دی  په غاړه وه ، ښاغلی کړی او ورسره  نور رضاکاران  د هیلو دکاروان اوږده  لاره  د جنوبی کلیرادو نه شروع او د نیو مکسیکو، پنسلوانیا، ویرجنیا،الاباما  د ایالتونو  په تیرودوسره  دا د خیر ښیګڼی سفر د فلوریدا په ایالت کی پای ته ورساوه۰

پدی سفر کی ښاغلی کړي او ورسره رضاکارانو د افغانستان د ښوونځیو د ماشومانو د مشکلاتو په تشریح کولوسره پدی وتوانیدل چه یوه  زیاته انداز قرطاسیه او د مکتب نور ضروریات د افغانستان ماشومانو لپاره راټول کړي ، پدی  انسان دوستانه کارکی د امریکی د مختلفو ښارونو په لسګونودمکتب  زده کونکي او ښوونکي برخه درلود، دولس کلنه ( سارا )  او د هغی مور خو برسیره پرقرطاسیی د افغانستان د وړکتونونو ماشومانو ته یوه اندازه د لوبو وسایل هم راغوڼد کړل۰

د هیلو د کاروان لمړی پړاو د امریکی د متحده ایالتونوپه مختلفو ښارونو که د پنځه زره کیلو مترو واټن  په وهلو سره په بریالیتوب  سره  فلوریادا کی پای ته ورسید د په  امریکی کی د هیلو د کاروان لاسته راوړنه  یوه  زیاته اندازه  قرطاسیه  او د ښوونځیو نور ضروریات وه چه  د افغانستان د بیوزلو شاګردانو لپاره جمع  شول۰

افغانستان ته  د قرطاسیی  دانتقال  پروسه :

افغانستان ته د جمع شوو توکو لیږل  بل هغه لویه ستونزه  وه چه د هسکو  ټولنه  هغه سره مخامخ  وه ، په تجارتی الوتکو کی د دی موادو انتقال نه یوازی دا چه د هسکو د ټولنی په وس  کی نه وه بلکه دا کار به د ( آفتاوه خرچ لیم )  په  معنا وه،  له نیکه مرغه د ښاغلي کړي  او د هسکو د مشر هلوځلو   په پای کی نتیجه ورکړه او جمع شوی قرطاسیه  د بین المللی ځواکونو په   مرسته  په وړیا توګه  د بګرام هوائی ډګر  ته انتقال شول۰

۲ -  د قرطاسیی د ویشلو پړاو او د هسکو  بیڅاری ابتکار:

بګرام ته د موادو د انتقال نه ورسته  د هسکو د هیلو د کاروان  دوهم  پړاو   دافغانستان ماشومانو ته د قرطاسیی منظم ویشل وه ، څرنګه چه  په افغانستان کی نن سبا  لویه ستونزه د خارجی مرستو نه ناوړه استفاده  او په مختلو مرحلو کی د مرستو ضایع کیدل دي ، نو د دی ستونزی  د له منځه وړلو پخاطر د هسکو د مشر په هدایت د قرطاسیی ویشل داسی  پلان  او تنظیم شو چه مواد په هماغه ورځ  د باګرام په هوائی ډګر کی  د تسلیمیدو نه ورسته مستقیما د کابل ولایت  د ولسوالیو  په شاګردانو باندی وویشل شي، د دی کار لپاره   د ښوونی او روزنی له  ځائی چارواکو سره  مفاهمه او د راوړل شووموادو  ګمرکی  اداری  اجراات مخکی بشپړ شو ۰

 د هسکو رضاکاران او د موادو ویشلو ټیم  د جون د میاشتی په شلمه سهار په اتو بجو د بګرام  ته د موادو د تسلیمیدو لپاره حاضر او د موادو د تسلیمیدو نه  ورسته  سمدستی  د هسکو د هیلو کاروان  سفر  د کابل ولایت د قره باغ د ولسوالی نه پیل شو، څرنګه چه   هسکو ټولنه   نقلیه وسیله  نلري  د موادو د انتقال لپاره  د پنځو  کرایه شوي  لاریو نه استفاده وشوه  د لاریوکرایه  د هسکو د رضاکار انو  لخوا مرسته وشوه ۰

د هیلو د کاروان لمړنی تم ځای د قره باغ د ولسوالی د عبدالوکیل لیسه وه د هسکو رضاکارانو چه د قرباغ د ولسوالی د معارف مدیر هم له هغوی سره  وه د قرباغ د لیسی او د نجنو په ښوونځی او همدارنګه د( سبز سنګ ) د منځنی ښوونځی پر ماشومانو باندی د یو زیادی اندازی قرطاسیی او د ښونځی د نورو ضروریاتو د ویشلو نه ورسته د کلکانو د  ولسوالی پخوا روان شول۰

د کلکان  د امیر حبیب اله ..... لیسه :

موږ پدی عقیده یوچه د افغانستان ټول ماشومان ددی وطن بچیان او د وطن د بڼ ګلان دي  ماشومانو سره د سیاسی قومی او یا ژبنی ملحوظاتو پر بنسټ هر رنګه  تبعیض او نابرابری  موږ ته  باالکل د منلو وړ ندی  د هیلو د کاروان  د قرطاسیی د  ویشلو رضاکارانو د  کلکان د لیسی ماشومانو باندی هم لکه نورو ښوونځیو په شان یوه زیاته اندازه د مکتب  ضروریات وویشل هغه ماشومان چی حاضر نوه د هغوی استحقاق د لیسی سرمعلم ته تسلیم کړای شو تر سو په مناسب وخت کی شاګردانو ته وویشی۰

 خو هغه څه چه   د هسکو یو شمیر رضاکارانو لپاره  د تعجب وړ  وه   د دی لیسی  اوږد نوم   هغه هم   د هغه چا په نامه    چه  د معارف ځپل او د ښوونځیو تړل  یی د  قدرت نیولو نه پس لمړني اقدامات وه، په هر حال   دا د  اړونده چارواکو  دنده  ده  او  د هسکو د خیرښیګوڼو چارو  باندی کومه اغیزه نلری ۰

د هیلود کاروان  بل تم ځای د کابل ولایت د میربچه کوټ ولسوالی وه څرنګه چه د دی سیمی شاګردان د هیلو د کاروان د سفر نه مخکی خبر  وه  نو د کاروان د رسیدو په انتظار وو، د هیلو کاروان  ر ضاکارانو د دی ولسوالی  د  ښوونځیو پر شاګردانو باندی  په کافی اندازه  قرطاسیه او نور د مکتب ضروریات وویشل۰.

د هیلو کاروان بشری سفر  چه د کابل ولایت د ولسوالیو پر شاګردانو باندی د قرطاسیی او نورو د ښوونځي ضروریاتو  د  منظم  او د بیروکراسی  نه پرته ویشلو په منظور د هسکو د ټولنی لخوا  تنظیم شوی  وه د مازیګر په پنځو بجو پای ته ورسید ۰

د موادو د ویشلو په کار کی د هسکو د رضاکارانواو مشرتابه  نه سربیره د افغانستان د ښوونی او روزنی د وزارت استازو او د مربوطه ولسوالیو اړوندو چارواکو هم  فعاله ونډه درلود ۰